കോട്ടയത്ത് നിന്ന് കാണാതായ പൊലീസുകാരന്‍ തമിഴ്നാട്ടില്‍. മുഹമ്മദ് ബഷീറാണ് താന്‍ തമിഴ്നാട്ടിലെ ഏര്‍വാടി പള്ളിയിലുണ്ടെന്ന് ബന്ധുക്കളെ വിളിച്ചറിയിച്ചത്. രണ്ട് ദിവസത്തിന് ശേഷം തിരിച്ചെത്തുമെന്ന് അറിയിച്ചതായി പൊലീസ് പറയുന്നു. ഇന്ന് പുലര്‍ച്ചെയാണ് കോട്ടയം ഈസ്റ്റ് പൊലീസ് സ്റ്റേഷനിലെ സിപഒ ബഷീറിനെ കാണാതായത്. ബഷീറിന്റെ ഫോണ്‍ ക്വാര്‍ട്ടേഴ്സില്‍ നിന്ന് കണ്ടെത്തിയിരുന്നു.
വാറണ്ട് പ്രതിയെ അറസ്റ്റ് ചെയ്യാനായി പുലര്‍ച്ചെ അഞ്ച് മണിക്ക് സ്റ്റേഷനില്‍ എത്താന്‍ സഹപ്രവര്‍ത്തകര്‍ ആവശ്യപ്പെട്ടിരുന്നു. എന്നാല്‍ പൊലീസ് എത്താതിരുന്നതിനെ തുടര്‍ന്ന് മൊബൈല്‍ ഫോണില്‍ വിളിച്ചെങ്കിലും ഫോണ്‍ എടുത്തില്ല. അതേസമയം രാവിലെ ക്വാട്ടേഴ്സില്‍ നിന്ന് ഇറങ്ങിയതായി ഭാര്യ അറിയിച്ചു. വീട്ടിനുള്ളില്‍ നിന്ന് പഴ്സും ഫോണും കണ്ടെത്തുകയായിരുന്നു. തുടര്‍ന്ന് നടത്തിയ അന്വേഷണത്തില്‍ പൊലീസുകാരന്‍ റയില്‍വേ സ്റ്റേഷനില്‍ എത്തിയിരുന്നതായി കണ്ടെത്തി. അവിടെ നിന്ന് ട്രെയിനില്‍ പൊയിട്ടുണ്ടാകുമെന്ന് നിഗമനത്തിലായിരുന്നു പൊലീസ്.
English Summary;Policeman missing from Kottayam in Tamil Nad
You may also like this video
