ബിഹാറിലെ പട്‌ന റയില്‍വേ സ്റ്റേഷനില്‍ സ്ഥാപിച്ചിട്ടുള്ള ടിവി സ്‌ക്രീനില്‍ അശ്ലീല സിനിമയിലെ ദൃശ്യങ്ങള്‍ പ്രദര്‍ശിപ്പിച്ചതായി പരാതി. ഞായറാഴ്ച രാവിലെ 9.30ഓടെയാണ് ഞെട്ടിക്കുന്ന സംഭവം നടക്കുന്നത്. തുടക്കത്തില്‍ പരസ്യചിത്രമാണെന്നാണ് യാത്രക്കാര്‍ വിചാരിച്ചിരുന്നത്.
എന്നാല്‍ മൂന്ന് മിനിറ്റോളം അഡള്‍ട്ട് സിനിമയിലെ രംഗങ്ങള്‍ വന്നതോടെ പ്ലാറ്റ്‌ഫോമിലുണ്ടായിരുന്ന ആളുകള്‍ ബഹളം വയ്ക്കുകയായിരുന്നു. എന്നാല്‍ ടിവി നിര്‍ത്തിയില്ലെന്നും യാത്രക്കാര്‍ പറയുന്നു.
സംഭവത്തില്‍ യാത്രക്കാര്‍ റയില്‍വേ പൊലീസില്‍ പരാതി നല്‍കി. വീഡിയോ അബദ്ധത്തില്‍ പ്ലേ ആയതാണെന്നാണ് പ്രാഥമിക നിഗമനം.
English Summary: Porn clip played on crowded Patna junction TV screens for 3 minutes
You may also like this video
