വൈദ്യുതി വിതരണശൃംഖലയിലുണ്ടായ തകരാര്‍ മൂലം മുംബൈയില്‍ വൈദ്യുതി വിതരണം തടസപ്പെട്ടു. ഗ്രാമീണമേഖലയിലേക്കുള്ള പ്രസരണലൈനിലുണ്ടായ തകരാറാണ് വിതരണം തടസപ്പെടാന്‍ കാരണം. നഗരത്തിന്റെ എല്ലാ മേഖലകളിലും വൈദ്യുതതകരാര്‍ പ്രതികൂലമായി ബാധിച്ചു.
രാവിലെ 10 മണിയോടെയാണ് വൈദ്യുതി വിതരണം തടസപ്പെട്ടത്. ഇതോടെ ട്രെയിൻ സർവീസുകളും നിര്‍ത്തിവച്ചു. ചര്‍ച്ച് ഗേറ്റ് മുതല്‍ ബോറിവിലി വരെയുള്ള ട്രെയിൻ സര്‍വീസുകളാണ് നിര്‍ത്തിവച്ചത്. 2020 ഒക്‌ടോബറിനുശേഷം ഇതാദ്യമായാണ് ഇത്തരത്തില്‍ വൈദ്യുതി മുടങ്ങുന്നത്.
ഗോവണ്ടി, ചെമ്പൂർ, ദാദർ, മാട്ടുംഗ തുടങ്ങി നഗരത്തിന്റെ പല ഭാഗങ്ങളിലും വൈദ്യുതി വിതരണം തടസപ്പെട്ടിരുന്നു. സാങ്കേതിക പിഴവാണ് വൈദ്യുതി മുടങ്ങാൻ കാരണമെന്ന് ഉദ്യോഗസ്ഥര്‍ അറിയിച്ചു.
English Summary: Power outage: Train services halted in Mumbai
You may like this video also
