ഗുരുതരമായ ആരോഗ്യപ്രശ്നങ്ങളുണ്ടെന്ന് ചൂണ്ടിക്കാട്ടി ജാമ്യത്തിലിറങ്ങിയ മലേഗാവ് സ്ഫോടനക്കേസ് പ്രതിയും ബിജെപി എംപിയുമായ പ്രഗ്യാസിങ് ഠാക്കൂര് കബഡി കളിക്കുന്ന ദൃശ്യങ്ങള് പുറത്ത്. യൂത്ത് കോണ്ഗ്രസ് ദേശീയ പ്രസിഡന്റ് ബി വി ശ്രീനിവാസാണ് സാമൂഹ്യമാധ്യമങ്ങളിലൂടെ വീഡിയോപങ്കുവച്ചത്.
മലേഗാവ് സ്ഫോടനക്കേസില് പ്രതിയായ പ്രഗ്യാസിങ് ആരോഗ്യപ്രശ്നങ്ങള് ചൂണ്ടിക്കാട്ടിയാണ് കോടതിയില് നിന്ന് ജാമ്യം നേടിയത്. വിചാരണ സമയത്തും ഹാജരായിരുന്നില്ല. ആരോഗ്യപ്രശ്നങ്ങള് മൂലം വീല്ചെയറിലാണ് സഞ്ചരിക്കുന്നതെന്നും അതിനാല് വിചാരണയ്ക്ക് നേരിട്ട് ഹാജരാവാനാവില്ലെന്നും പ്രഗ്യാസിങ് കോടതിയെ അറിയിച്ചിരുന്നു.നവരാത്രി ആഘോഷങ്ങളില് പങ്കെടുത്ത് ഇവര് നൃത്തം ചെയ്യുന്ന വീഡിയോയും ബാസ്കറ്റ് ബോള് കളിക്കുന്ന വീഡിയോയും സാമൂഹ്യമാധ്യമങ്ങളില് പ്രചരിച്ചിരുന്നു.
English Summary : pragya singh after she got bail involved in kabady game