പ്രവാസി മിത്രം പോർട്ടൽ ഉദ്ഘാടനം ഇന്ന്

പ്രവാസികൾക്ക് റവന്യൂ സർവെ വകുപ്പുകളിലെ വിവിധ സേവനങ്ങളുമായി ബന്ധപ്പെട്ട അപേക്ഷകളുടെ നിലവിലെ സ്ഥിതി യഥാസമയം അറിയുന്നതിന് വകുപ്പ് തയ്യാറാക്കിയ പ്രവാസി മിത്രം ഓൺലൈൻ പോർട്ടലിന്റെയും പ്രവാസി സെല്ലിന്റെയും ഉദ്ഘാടനം ഇന്ന് നടക്കും. വൈകിട്ട് 4.30 ന് നിയമസഭാ മന്ദിരത്തിലെ ആർ ശങ്കരനാരായണൻ തമ്പി ഹാളിൽ മുഖ്യമന്ത്രി പിണറായി വിജയൻ നിർവഹിക്കും. റവന്യൂ ഭവന നിർമ്മാണ മന്ത്രി കെ രാജൻ അധ്യക്ഷനാകും. സ്പീക്കർ എ എൻ ഷംസീർ, മന്ത്രിമാരായ ജി ആർ അനിൽ, പി പ്രസാദ്, വി ശിവൻകുട്ടി, ആന്റണി രാജു, ശശി തരൂർ എം പി, മേയർ ആര്യാ രാജേന്ദ്രൻ, വി കെ പ്രശാന്ത് എംഎൽഎ, നോർക്ക റസിഡന്റ് വൈസ് ചെയർമാൻ പി ശ്രീരാമകൃഷ്ണൻ, പ്രവാസി വ്യവസായ പ്രമുഖരായ എം എ യൂസഫലി, രവി പിള്ള, ഡോ. ആസാദ് മൂപ്പൻ, ജെ കെ മേനോൻ, പ്രവാസി സംഘടനാ നേതാക്കളായ ഇ ടി ടൈസൺ എംഎൽഎ, കെ വി അബ്ദുൾ ഖാദർ എന്നിവർ ചടങ്ങിൽ മുഖ്യാതിഥികളാകും. പ്രവാസി മിത്രം പോർട്ടലിൽ ലഭിക്കുന്ന പരാതികള്‍ കൈകാര്യം ചെയ്യുന്നതിനായി ജില്ലാ തലത്തിലും സംസ്ഥാന തലത്തിലും റവന്യു വകുപ്പ് പ്രവാസി സെൽ രൂപീകരിച്ചിട്ടുണ്ട്.

eng­lish summary;Pravasi Mitram por­tal inau­gu­ra­tion today

you may also like this video;