കോളജ് പ്രൊഫസറെ ബലാത്സംഗം ചെയ്ത കേസില്‍ വകുപ്പ് മേധാവി അറസ്റ്റിലായി. മധ്യപ്രദേശ് തലസ്ഥാനമായ ഭോപ്പാലിലെ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്‌മെന്റിലെ (ഐഎച്ച്‌എം) എച്ച്ഒഡിയാണ് (ഡിപ്പാർട്ട്‌മെന്റ് ഹെഡ്) വ്യാഴാഴ്ച അതേ ഇൻസ്റ്റിറ്റ്യൂട്ടിലെ വനിതാ പ്രൊഫസറെ പീഡിപ്പിച്ചതിന് അറസ്റ്റിലായത്.
പ്രതിയായ എച്ച്ഒഡി പ്രമോദ് കുമാർ മോഡിയാണെന്ന് തിരിച്ചറിഞ്ഞിട്ടുണ്ട്. നവംബർ 26 ന് ഹബീബ്ഗഞ്ച് പോലീസ് സ്റ്റേഷനിൽ വനിതാ പ്രൊഫസർ ഇയാൾക്കെതിരെ പരാതി നൽകിയിരുന്നു. യുവതിയുടെ പരാതിയുടെ അടിസ്ഥാനത്തിൽ ഐപിസി സെക്ഷൻ 354 പ്രകാരം കേസ് രജിസ്റ്റർ ചെയ്തതായും പ്രതിയായ എച്ച്ഒഡിയെ അറസ്റ്റ് ചെയ്തതായും ഹബീബ്ഗഞ്ച് പോലീസ് സ്റ്റേഷൻ ഇൻ ചാർജ് മനീഷ് രാജ് സിംഗ് പറഞ്ഞു. കഴിഞ്ഞ രണ്ട് വർഷമായി പ്രതി തന്നെ ശല്യപ്പെടുത്തുന്നുണ്ടെന്നും യുവതി പരാതിയില്‍ പറയുന്നു.
English Summary: Professor arrested: The head of the department of the college was arrested
You may also like this video
