പ്രവാചക കേശം സംബന്ധിച്ച കാന്തപുരം എ പി അബൂബക്കര് മുസ്ലിയാരുടെ വാദം വ്യാജമാണെന്ന് സമസ്ത ഇ കെ വിഭാഗം നേതാവ് ബഹാഉദ്ദീന് നദ്വി. പ്രവാചക തിരുമേനിയുടെ കേശത്തിന് ഇസ്ലാമിക കാഴ്ചപ്പാടിയില് പവിത്രതയുണ്ട്. എന്നാല് ആ കേശം ഒരാളുടെ കൈയില് ഉണ്ടെങ്കില് അയാളുടെ കൈവശം അതിന്റെ നിവേദത ശൃംഖല ഉണ്ടാകണമെന്നതാണ് മുസ്ലിം ലോകത്ത് അംഗീകരിക്കപ്പെട്ട വ്യവസ്ഥ.
അങ്ങനെ ഒരു ശൃംഖല അബൂബക്കര് മുസ്ലിയാരുടെ കൈയിലുള്ള കേശത്തില് ഇല്ല എന്ന് സ്ഥിരീകരിച്ചിട്ടുണ്ട്. വര്ഷങ്ങള്ക്ക് മുമ്പ് കൊണ്ടുവന്നപ്പോള് തന്നെ ഈ വാദം വ്യാജമാണെന്ന് തെളിഞ്ഞതാണ്. ഇന്ത്യയുടെ ഗ്രാന്ഡ് മുഫ്തി പദവി എന്നതും വ്യാജമാണ്. നബിദിനം അടുക്കുമ്പോഴുള്ള കച്ചവടമാണ് പ്രസ്താവനയ്ക്ക് പിന്നിലെന്നും നദ്വി ആരോപിച്ചു.