തമിഴ്നാട്ടിൽ പബ്ബിന്റെ മേൽക്കൂര തകർന്ന് വീണ് മൂന്ന് മരണം. ചെന്നൈയില്‍ ആല്‍വാര്‍പെട്ട് നഗരത്തിലാണ് സംഭവം. ഇന്ന് രാത്രി 7.30തോടെയാണ് അപകടമുണ്ടായത്. ഐപിഎൽ മത്സരങ്ങളുടെ പ്രദര്‍ശനമുണ്ടായിരുന്നതിനാൽ നിരവധിപ്പേ‍ർ പബ്ബിലുണ്ടായിരുന്നു.
അപകടത്തിൽപെട്ടവരെ ദേശീയ ദുരന്ത നിവാരണ സേനയും അഗ്നി രക്ഷാ സേനയും ചേർന്ന് പുറത്തെത്തിച്ചു. ഒന്നാം നിലയുടെ മേൽക്കൂരയാണ് ഇടിഞ്ഞ് വീണത്. 17 ജോലിക്കാരും മൂന്ന് അതിഥികളും മേൽക്കൂര തക‍ര്‍ന്നുവീണ ഭാഗത്തുണ്ടായിരുന്നു. മരിച്ചവരിൽ രണ്ട് പേര്‍ മണിപ്പൂര്‍ സ്വദേശികളും ഒരാൾ ഡിണ്ടിഗൽ സ്വദേശിയുമാണ്.
English Summary:Pub roof collapses in Chennai; Three deaths
You may also like this video
