കോൺഗ്രസ് നേതാവും പഞ്ചാബി ഗായകനുമായ സിദ്ധു മൂസ് വാല മാൻസ വെടിയേറ്റ് മരിച്ചു. വെടിവെപ്പിൽ മറ്റ് രണ്ട് പേർക്ക് പരിക്കേറ്റു. മൂസ് വാല ഉൾപ്പെടെ 424 പേരുടെ സുരക്ഷ പഞ്ചാബ് പിൻവലിച്ചതിന് തൊട്ടുപിന്നാലെയാണ് സംഭവം. താല്‍ക്കാലിക നടപടിയാണെന്നായിരുന്നു വിശദീകരണം.
സിദ്ദു മൂസ് വാല എന്നാണ് ശുഭ്ദീപ് സിംഗ് സിദ്ധു അറിയപ്പെടുന്നത്. മൂസ് വാലയും അദ്ദേഹത്തിന്റെ രണ്ട് സുഹൃത്തുക്കളും പഞ്ചാബിലെ അവരുടെ ഗ്രാമമായ മാൻസയിലേക്ക് പോകുമ്പോഴായിരുന്നു ആക്രമണം.
കഴിഞ്ഞ വർഷം ഡിസംബറിലാണ് ഗായകന്‍ കോൺഗ്രസിൽ ചേർന്നത്. 2022ലെ പഞ്ചാബ് നിയമസഭാ തെരഞ്ഞെടുപ്പിൽ കോൺഗ്രസ് ടിക്കറ്റിൽ മാൻസയിൽ നിന്ന് സിദ്ദു മൂസ് വാല മത്സരിച്ചിരുന്നു. ആം ആദ്മി പാർട്ടിയുടെ ഡോക്ടർ വിജയ് സിംഗ്ലയോടാണ് അദ്ദേഹം പരാജയപ്പെട്ടത്. ആരാണ് ഇവര്‍ക്കുനേരെ വെടിയുതിര്‍ത്തതെന്ന് തിരിച്ചറിഞ്ഞിട്ടില്ല. സംഭവത്തിന്റെ കൂടുതല്‍ വിശദാംശങ്ങള്‍ ലഭ്യമായിട്ടില്ല.
English Summary: Punjabi singer Sidhu Moosewala was shot dead the day after security was beefed up
You may like this video also
