പൂജപ്പുര ഉണ്ണിനഗർ റസിഡന്റ്സ് അസോസിയേഷൻ (പുര) എൽഡേഴ്സ് ഫോറത്തിന്റെ ആഭിമുഖ്യത്തിൽ ലോക വയോജന ദിനം ആഘോഷിച്ചു. പുരയുടെ മുപ്പതാം വാർഷികത്തോടനുബന്ധിച്ച് നടപ്പാക്കുന്ന വയോമിത്രം പരിപാടിയും വയോജനദിനാഘോഷവും ഡോ സി ഉദയകല ഉദ്ഘാടനം ചെയ്തു. എൽഡേഴ്സ് ഫോറം പ്രസിഡണ്ട് പി അച്യുതൻ നായർ അദ്ധ്യക്ഷനായി. , കലാസാഹിത്യ വേദി പ്രസിഡന്റ് അഡ്വ കെ വിശ്വംഭരൻ അനുശോചന പ്രമേയം അവതരിപ്പിച്ചു.
പുര പ്രസിഡന്റ് ജി രാധാകൃഷ്ണൻ വയോമിത്രം പരിപാടിയെ കുറിച്ച് സംസാരിച്ചു. മാധ്യമപ്രവർത്തകൻ സനിൽ രാഘവൻ, പുര രക്ഷാധികാരി എസ് വിശ്വംഭരൻ നായർ, ആശവർക്കർ എസ് ബീന എന്നിവർ ആശംസകൾ അർപ്പിച്ചു. സാമ്പത്തിക സാക്ഷരത കൗൺസിലർ കെ ജയകുമാരൻ നായർ വിൽപത്രം തയാറാക്കേണ്ട ആവശ്യകതയെക്കുറിച്ച് സംസാരിച്ചു. ശ്രീലത, അജിത്, കെ വിശ്വംഭരൻ എന്നിവർ കലാപരിപാടികൾ അവതരിപ്പിച്ചു. തെരഞ്ഞെടുത്ത പത്ത് അംഗങ്ങളെ ആദരിച്ചു. എൽഡേഴ്സ് ഫോറം സെക്രട്ടറി ജി വിജയകുമാർ സ്വാഗതവും വൈസ് പ്രസിഡന്റ് അഡ്വ ജി രാജരാജൻ നന്ദിയും പറഞ്ഞു.
English Summary: Pura Vayomitram was inaugurated
You may also like this video
