റഷ്യൻ അധിനിവേശത്തിൽ കുടുങ്ങിയ സിവിലിയൻമാരുടെ ദുരവസ്ഥയിൽ ആഗോള രോഷം വർധിക്കുന്ന സാഹചര്യത്തിൽ ഉക്രെയ്‌നിലെ യുദ്ധം പ്രസിഡന്റ് വ്‌ളാഡിമിർ പുടിന് ഒരിക്കലും വിജയമാകില്ലെന്ന് യുഎസ് പ്രസിഡന്റ് ജോ ബൈഡൻ. വൈറ്റ് ഹൗസിൽ ഇന്നലെ നടത്തിയ പ്രഭാഷണത്തിൽ ബൈഡൻ, റഷ്യൻ പ്രസിഡന്റിനെതിരേ ആഞ്ഞടിച്ചു.
സംഘർഷം കടുത്ത പ്രതിസന്ധി സൃഷ്ടിച്ചിരിക്കുകയാണെന്നും ഇതിനകം 20 ലക്ഷം അഭയാർത്ഥികളെ സൃഷ്ടിച്ചുകഴിഞ്ഞെന്നും അദ്ദേഹം ചൂണ്ടിക്കാട്ടി. റഷ്യ അതിന്റെ കടന്നാക്രമണം ഭീകരമായി തുടരട്ടെ, പക്ഷേ, ഇതിനകം വ്യക്തമായിട്ടുണ്ട്, ഉക്രെയിൻ യുദ്ധം റഷ്യയ്ക്ക് ആത്യന്തിക വിജയമാവില്ല. പുടിന് ഒരു നഗരം പിടിച്ചെടുക്കാൻ കഴിഞ്ഞേക്കും. പക്ഷേ, അദ്ദേഹത്തിന് ഒരിക്കലും രാജ്യം പിടിക്കാൻ കഴിയില്ലെന്നും ബൈഡൻ പറഞ്ഞു.
english summary;Putin will never win the war in Ukraine; Joe Biden
you may also like this video;
