ന്യൂഡൽഹിയിൽനിന്നു ദോഹയിലേക്കു പോയ ഖത്തർ എയർവെയ്സ് വിമാനം പാകിസ്ഥാനിലെ കറാച്ചിയിലേക്കു വഴിതിരിച്ചുവിട്ടു. വിമാനത്തിന്റെ കാർഗോ ഏരിയയിൽ പുക കണ്ടതിനെത്തുടർന്ന് കറാച്ചിയിൽ ഇറക്കുകയായിരുന്നെന്ന് ഖത്തർ എയർവെയ്സ് അറിയിച്ചു.
പുലർച്ചെ 3.50നാണ് ന്യൂഡൽഹിയിൽനിന്ന് വിമാനം പുറപ്പെട്ടത്. നൂറിലേറെ യാത്രക്കാർ ഉണ്ടായിരുന്നതായാണ് റിപ്പോർട്ട്. 5.45ഓടെ വിമാനം കറാച്ചി വിമാനത്താവളത്തിൽ ഇറക്കി. 7.15ന് ദോഹയിൽ ഇറങ്ങാനായിരുന്നു നിശ്ചയിച്ചിരുന്നത്.
ലാൻഡിങ് സുരക്ഷിതമായിരുന്നുവെന്ന് ഖത്തർ എയർവെയ്സ് അറിയിച്ചു. യാത്രക്കാരെ സുരക്ഷിതരായി പുറത്തിറക്കിയെന്നും കമ്പനിയുടെ അറിയിപ്പിൽ പറയുന്നു.
english summary; Qatar Airways diverts Delhi-Doha flight to Karachi after smoke indication in cargo hold
you may also like this video;
