രാഹുല്‍ ഗാന്ധി വിവാഹിതനാകാത്തത് അദ്ദേഹത്തിന് കുട്ടികളുണ്ടാവത്തതിനാലാണെന്ന് ബിജെപി നേതാവ്. കര്‍ണാടക ബിജെപി അധ്യക്ഷന്‍ നളിന്‍ കുമാര്‍ കട്ടീലാണ് രാഹുല്‍ ഗാന്ധിയ്ക്കുനേരെ അധിക്ഷേപകരമായ പരാമര്‍ശം നടത്തിയിരിക്കുന്നത്.
തെരഞ്ഞെടുപ്പ് പ്രചാരണത്തിന്റെ ഭാഗമായി പാര്‍ട്ടി നടത്തുന്ന വിജയ സങ്കല്‍പ് യാത്രയില്‍ സംസാരിക്കവെയായിരുന്നു ബിജെപി അധ്യക്ഷന്‍ വിവാദ പരാമര്‍ശം നടത്തിയത്. കോണ്‍ഗ്രസ് നേതാവായ സിദ്ധരാമയ്യയും രാഹുല്‍ ഗാന്ധിയും കോവിഡ് വാക്‌സിനെതിരെ കുപ്രചാരണം നടത്തി. വാക്‌സിനെടുത്തവര്‍ക്ക് കുട്ടികളുണ്ടാവില്ല എന്ന് അവര്‍ പറഞ്ഞു, നളിന്‍ പ്രസംഗത്തിൽ പറഞ്ഞു. എന്നാല്‍, ഇരുവരും പിന്നീട് വാക്‌സിന്‍ എടുത്തു.
രാഹുല്‍ ഗാന്ധിക്ക് കുട്ടികളുണ്ടാകില്ലെന്ന് അറിയാവുന്നതിനാലാണ് വിവാഹം കഴിക്കാത്തതെന്ന് ബിജെപി നിയമസഭാംഗം മഞ്ജുനാഥ് തന്നോട് പറഞ്ഞതായും അദ്ദേഹം പറഞ്ഞു. എന്നാല്‍, നളീനിന്റെ പരാമര്‍ശങ്ങളെ കര്‍ണാടക ബിജെപി പിന്തുണച്ചില്ല. നളിന്‍ കുമാറിന് മാനസിക പ്രശ്നങ്ങളാണെന്ന് കോണ്‍ഗ്രസ് പ്രതികരിച്ചു.
English Summary: Rahul Gandhi not married because there is no possibility of having children: BJP leader insults Rahul Gandhi
You may also like this video
