രാഹുല് ഈശ്വറിനെതിരെ പൊലീസില് പരാതി നല്കി നടി ഹണി റോസ്. ബോബി ചെമ്മണൂരിനെതിരെ നടി നല്കിയ പരാതിയുടെ ഗൗരവം ചോര്ത്തിക്കളയാനും ജനങ്ങളുടെ പൊതുബോധം തനിക്ക് നേരെ തിരിക്കാനുമുള്ള ഉദ്ദേശ്യത്തോടെ സൈബര് ഇടത്തില് ഓര്ഗനൈസ്ഡ് ക്രൈം ആസൂത്രണം ചെയ്യുകയാണ് രാഹുല് ഈശ്വറെന്ന് നടി സാമൂഹിക മാധ്യമത്തില് കുറിച്ചു.
കടുത്ത മാനസിക സംഘര്ഷത്തിലൂടെയാണ് താന് കടന്നുപോകുന്നതെന്നും അതിന്റെ പ്രധാന കാരണക്കാരന് രാഹുല് ഈശ്വറാണ്. രാഹുലും ഈശ്വറും ബോബിയുടെ പിആര് ഏജന്സികളും സംഘടിതമായി തന്നെ ആക്രമിക്കുന്നു. രാഹുല് മാപ്പര്ഹിക്കുന്നില്ലെന്നും ഹണി റോസ് ഫെയ്സ്ബുക്കില് കുറിച്ചു.
രാഹുല് ഈശ്വറിനെ പോലുള്ളവരുടെ ഇത്തരം ഓര്ഗനൈസ്ഡ് ക്രൈം ഓപ്പറേഷന് കാരണം ഇത്തരം അവസ്ഥയില്പ്പെട്ട് പോകുന്ന സ്ത്രീകള് പരാതിയുമായി മുന്നോട്ടുവരാന് മടിക്കുന്നതെന്നും അത്തരം നടപടികള് ആണ് തുടര്ച്ചയായി രാഹുല് ഈശ്വര് എല്ലാ സ്ത്രീകളായ പരാതിക്കാരോടും കാണിക്കുന്നതെന്നും ഹണി റോസിന്റെ കുറിപ്പില് കുറിച്ചു.