പാളത്തിൽ തലവച്ച് കിടന്നയാളെ ട്രെയിനിന് മുന്നില്‍ നിന്ന് സാഹസികമായി രക്ഷപ്പെടുത്തി വനിത പൊലീസ്

റെയിൽപാളത്തിൽ തലവച്ച് ആത്മഹത്യയ്ക്കു ശ്രമിച്ചയാളെ രക്ഷപ്പെടുത്തി റെയിൽവേ പൊലീസ് ഉദ്യോഗസ്ഥ. ബംഗാളിലെ പുർബ മെദിനിപുർ സ്റ്റേഷനിലാണ് സംഭവം. ഓടി വരുന്ന ട്രെയിന് മുന്നില്‍ നിന്നും വളരെ സാഹസികമായാണ് ഉദ്യോഗസ്ഥ ഇയാളെ രക്ഷപ്പെടുത്തുന്നത്. ഇതിന്റെ ദൃശ്യങ്ങള്‍ ആർപിഎഫ് ഔദ്യോഗിക ട്വിറ്റർ പേജിലൂടെ പങ്കുവച്ചു.

പ്ലാറ്റ്ഫോമിൽ നില്‍ക്കുകയായിരുന്നു ഇയാള്‍ പെട്ടെന്ന് പാളത്തിലേക്ക് ഇറങ്ങി ട്രെയിൻ വരാനിരിക്കുന്ന പാളത്തിൽ തലവച്ചു കിടക്കുകയായിരുന്നു. ആ സമയത്ത് അടുത്ത പ്ലാറ്റ്ഫോമിലേക്കു വന്ന കെ സുമതി എന്ന റെയിൽവേ പൊലീസ് കോൺസ്റ്റബിൾ ഇതു കാണുകയും, ഉടൻ പാളത്തിലേക്ക് ഇറങ്ങി ട്രാക്കിൽനിന്നു ഇയാളെ മാറ്റുകയുമായിരുന്നു. യാത്രക്കാരും ഓടിയെത്തി ഉദ്യോഗസ്ഥയെ ഇയാളെ മാറ്റാനായി സഹായിക്കുന്നതും ദൃശ്യത്തില്‍ നിന്ന് വ്യക്തമാണ്. ആത്മഹത്യയ്ക്കു ശ്രമിച്ചയാളെ ട്രാക്കിൽനിന്നു മാറ്റിയ ഉടനെ ആ ട്രാക്കിലൂടെ ട്രെയിൻ കടന്നു പോകുന്നതും വീഡിയോയിലുണ്ട്.

Eng­lish Sum­ma­ry: Rail­way Cop Res­cues Man From Being Run Over By A Train In West Bengal
You may also like this video