രാജ്യത്ത് അടുത്ത അഞ്ച് ദിവസങ്ങളില്‍ 12 സംസ്ഥാന- കേന്ദ്രഭരണപ്രദേശങ്ങളില്‍ മഴയുണ്ടാകുമെന്ന് മുന്നറിയിപ്പ്. കേന്ദ്ര കാലാവസ്ഥാ വകുപ്പാണ് മുന്നറിയിപ്പ് അടങ്ങിയ സംസ്ഥാനങ്ങളുടെ പട്ടിക പുറത്തുവിട്ടിരിക്കുന്നത്.
തമിഴ്നാട്ടിലും പുതുച്ചേരിയിലും അടുത്ത 24 മണിക്കൂറിനുള്ളില്‍ ശക്തമായ മഴയുണ്ടാകുമെന്നും കാലാവസ്ഥാ വകുപ്പ് പുറത്തുവിട്ട പ്രസ്താവനയില്‍ വ്യക്തമാക്കുന്നു. ജമ്മുകശ്മീരില്‍ കനത്ത മഞ്ഞ് വീഴ്ചയ്ക്കും സാധ്യതയുണ്ട്. കൂടാതെ ജനുവരി നാലിനും അഞ്ചിനുമിടയില്‍ ഹിമാചല്‍പ്രദേശിലും ഉത്തരാഖണ്ഡിലും കനത്ത മഴയ്ക്കും സാധ്യതയുണ്ട്.
പഞ്ചാബ്, ഹരിയാന, ചണ്ഡീഗഡ്, ഡല്‍ഹി, രാജസ്ഥാന്‍, ഉത്തര്‍പ്രദേശ്, മധ്യപ്രദേശ് എന്നീ സംസ്ഥാനങ്ങള്‍ക്കും അഞ്ചാം തീയതി വരെ മഴ ലഭിക്കും.
English Summary: Rain forecast for 12 states and Union Territories for next five days
You may like this video also
