ബംഗാൾ ഉൾക്കടലിൽ രൂപപ്പെട്ട ന്യൂനമർദം ശക്തിയാർജിച്ച് തെക്ക് കിഴക്കൻ രാജസ്ഥാനും മധ്യപ്രദേശിനും മുകളിലായി സ്ഥിതി ചെയ്യുന്നതായി കേന്ദ്ര കാലാവസ്ഥാ വകുപ്പ്. ന്യൂനമർദം അടുത്ത രണ്ടു ദിവസത്തിനുള്ളിൽ തെക്കൻ രാജസ്ഥാൻ, വടക്കൻ ഗുജറാത്ത് മേഖലയിലേക്ക് നീങ്ങും.
കേരളത്തിൽ മഴ തുടരാനാണ് സാധ്യത. ഇന്നലെ ആറ് ജില്ലകളിൽ യെല്ലോ അലർട്ട് നൽകിയിരുന്നു. ഇന്ന് അലർട്ടുകൾ ഒന്നും നൽകിയിട്ടില്ലെങ്കിലും അടുത്ത അഞ്ചുദിവസവും സാധാരണ നിലയിൽ മഴ ലഭിക്കുമെന്നാണ് പ്രവചനം. കേരള, ലക്ഷദ്വീപ് തീരത്ത് മത്സ്യബന്ധനത്തിന് തടസമില്ല.
English Summary: Rain will continue in Kerala
You may also like this video
