സംസ്ഥാനത്ത് ഒറ്റപ്പെട്ടയിടങ്ങളില്‍ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. വ്യാഴാഴ്ച വരെ മഴയ്ക്ക് സാധ്യതയുണ്ടെന്നാണ് പ്രവചനം. കാലാവസ്ഥാ വകുപ്പിന്റെ മാര്‍ച്ച് ഒന്ന് മുതല്‍ ഇന്നലെ വരെയുള്ള കണക്ക് അനുസരിച്ച് ഈ സീസണില്‍ 32 ശതമാനം മഴക്കുറവാണ് കേരളം നേരിടുന്നത്.
വേനല്‍മഴ എത്തിയതോടെ താപനിലയിലും കുറവ് വന്നിട്ടുണ്ട്. കോട്ടയത്തും പാലക്കാടും രേഖപ്പെടുത്തിയ 36.6 ഡിഗ്രി സെല്‍ഷ്യസ് ആണ് ഇന്നലെ രേഖപ്പെടുത്തിയതില്‍ ഏറ്റവും ഉയര്‍ന്ന താപനില.