സംസ്ഥാനത്ത് ഒറ്റപ്പെട്ടയിടങ്ങളിൽ ഇന്നും മഴ തുടരുമെന്ന് കേന്ദ്ര കാലാവസ്ഥാ വകുപ്പ്. തെക്കൻ ജില്ലകളിൽ പ്രത്യേകിച്ച് മലയോര മേഖലയിൽ ഇന്ന് മിതമായ തോതിൽ മഴ സാധ്യതയുണ്ടെന്നാണ് വിലയിരുത്തൽ. എന്നാൽ, എവിടെയും പ്രത്യേക മഴ മുന്നറിയിപ്പ് നൽകിയിട്ടില്ല. നാളെയോടെ മഴ കുറയുമെന്നാണ് നിഗമനം.
അതേസമയം, ഉയർന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാൽ കേരള ലക്ഷദ്വീപ് തീരങ്ങളിലെ മത്സ്യബന്ധനത്തിന് വിലക്കേർപ്പെടുത്തി. കൊമറിൻ മേഖലയ്ക്കും സമീപപ്രദേശത്തും ചക്രവാത ചുഴി നിലനിൽക്കുന്ന സാഹചര്യത്തിൽ വരുന്ന അഞ്ചു ദിവസം കൂടി മഴ തുടരുമെന്നും മുന്നറിയിപ്പിൽ പറയുന്നു.
English Summary: Rain will continue today; No rain warning
You may also like this video
