സംസ്ഥാനത്ത് വരും ദിവസങ്ങളിലും ഒറ്റപ്പെട്ടയിടങ്ങളിൽ ശക്തമായ മഴ തുടരുമെന്ന് കാലവസ്ഥാ വകുപ്പിന്റെ മുന്നറിയിപ്പ്.
കഴിഞ്ഞ ദിവസം കർണാടക വരെ ചുരുങ്ങിയ തീരദേശ ന്യൂനമർദ പാത്തി വീണ്ടും വടക്കൻ കേരള തീരം വരെ എത്തിയതാണ് കാരണം. ഇതു കണക്കിലെടുത്ത് 24 മണിക്കൂറിൽ 115 മില്ലീ മീറ്റർ വരെയുള്ള ശക്തമായ മഴ പ്രതീക്ഷിക്കുന്ന എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. കഴിഞ്ഞ ദിവസങ്ങളിലും വടക്കൻ ജില്ലകളിൽ ഇടവിട്ടുള്ള ശക്തമായ മഴ തുടരുകയാണ്.
മധ്യകേരളത്തിലടക്കം ഇത് തുടരാനാണ് നിലവിലെ സാധ്യത. അതേസമയം തെക്കൻ കേരളത്തിൽ കാര്യമായ മഴ സാധ്യത പ്രവചിക്കപ്പെട്ടിട്ടില്ല. എന്നാൽ, ഇന്ന് കേരള തീരത്ത് ഉയർന്ന തിരമാലകൾക്കും, കടൽ കൂടുതൽ പ്രക്ഷുബ്ധമാകാനും സാധ്യതയുണ്ടെന്നും രാത്രി 11.30 വരെ കള്ളക്കടൽ പ്രതിഭാസമുണ്ടായേക്കാമെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ഇത് കണക്കിലെടുത്ത് വടക്കൻ കേരള തീരത്ത് മത്സ്യബന്ധനവും നിരോധിച്ചിട്ടുണ്ട്.
English Summary: Rain will continue, yellow alert in seven districts today
You may also like this video
