ശക്തമായ മഴയ്ക്ക് സാധ്യതയുള്ളതിനാൽ സംസ്ഥാനത്തെ ഏഴ് ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് നൽകി. തിരുവനന്തപുരം, കൊല്ലം, ആലപ്പുഴ, എരണാകുളം, കോഴിക്കോട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ടുള്ളത്.
വടക്കു പടിഞ്ഞാറൻ ബംഗാൾ ഉൾക്കടലിന് മുകളിലായി സ്ഥിതിചെയ്തിരുന്ന അതിതീവ്ര ന്യൂനമർദം ശക്തികുറഞ്ഞ് തീവ്രന്യൂനമർദമായി. കേരള തീരം മുതൽ കർണാടക തീരം വരെയുള്ള ന്യൂനമർദപ്പാത്തിയും ദുർബലമായി. ഈ സാഹചര്യത്തിൽ കേരളത്തിൽ മഴ കുറയുമെന്നാണ് വിലയിരുത്തൽ. മത്സ്യബന്ധനത്തിന് തടസമില്ല.