നഗരസഭയുടെ ജനകീയാസൂത്രണ പദ്ധതിയില്‍പ്പെടുത്തി തിരുവാമ്പാടി ഗവണ്‍മെന്റ് യു പി സ്ക്കൂളിൽ നിർമ്മിച്ച മഴവെള്ള സംഭരണിയുടെ ഉദ്ഘാടനം നഗരസഭ അധ്യക്ഷ സൗമ്യാരാജ് നിർവ്വഹിച്ചു. തിരുവമ്പാടി ഗവൺമെന്റ് യു പി സ്കൂളിന്റെ 121-ാമത് വാർഷിക ആഘോഷവും, യാത്രയയപ്പ് സമ്മേളനവും സ്കൂൾ ആഡിറ്റോറിയത്തിൽ നടന്നു. ആലപ്പുഴ നഗരസഭ അദ്ധ്യക്ഷ സൗമ്യരാജ് ഉദ്ഘാടനവും ഉപഹാര സമർപ്പണവും നടത്തി.
വാർഡ് കൗൺസിലർ സി അരവിന്ദാക്ഷൻ വഹിച്ച യോഗത്തിൽ വിദ്യാഭ്യാസ സ്റ്റാന്റിംഗ് കമ്മറ്റി അദ്ധ്യക്ഷ ആർ വിനിത മുഖ്യപ്രഭാഷണം നടത്തി. കൗൺസിലർമാരായ സജേഷ് ചക്കുപറമ്പ്, പ്രജിത കണ്ണൻ, ഉപജില്ലാ വിദ്യാഭ്യാസ ഓഫീസർ മധുസൂദനൻ, എസ് എം സി ചെയർമാൻ എസ് ഉദയകുമാർ, സന്ദീപ് ഉണ്ണികൃഷ്ണൻ ബി പി സി, ആലപ്പൂഴ, മാതൃസംഗമം പ്രസിഡന്റ് സൗമ്യ പി ബി, സീനിയർ അസിസ്റ്റന്റ് ബിന്ദു എം ടി, സ്റ്റാഫ് സെക്രട്ടറി സുബോധ കെ കെ തുടങ്ങിയവർ സംസാരിച്ചു.