16 വര്‍ഷമായിട്ടും ഐപിഎല്ലില്‍ വിരാട് കോലിയുടെ റോയല്‍ ചലഞ്ചേഴ്സ് ബാംഗ്ലൂരിന് കിരീടം നേടാനായിട്ടില്ല. ഇപ്പോഴിതാ വനിതാ പ്രീമിയര്‍ ലീഗില്‍ രണ്ടാം സീസണില്‍ തന്നെ ആര്‍സിബിക്ക് കിരീടം നേടാനായി. ഇതിന് പിന്നാലെ പുരുഷ ടീമിനെ കളിയാക്കി രാജസ്ഥാന്‍ റോയല്‍സ് സമൂഹമാധ്യമത്തില്‍ പങ്കുവച്ച ഒരു ട്വീറ്റ് ആരാധകര്‍ക്കിടയില്‍ ചര്‍ച്ചയാകുകയാണ്.
പ്രമുഖ കോമഡി ഷോയായ ‘താരക് മെഹ്താ കാ ഉള്‍ട്ടാ ചശ്മയിലെ’ ഒരു മീം പങ്കു വച്ചാണ് രാജസ്ഥാൻ ബാംഗ്ലൂരിനെ ട്രോളിയത്. ഒരു ഗ്യാസ് സിലിണ്ടർ ഏറെ കഷ്ടപ്പെട്ട് പൊക്കാൻ ശ്രമിച്ചിട്ടും അതിന് കഴിയാതിരുന്ന ഷോയിലെ ഒരു കഥാപാത്രത്തിനടുത്തേക്ക് വന്ന് അനായാസം സിലിണ്ടർ പൊക്കിയെടുത്ത് കൊണ്ടു പോകുന്ന ഭാര്യയുടെ ദൃശ്യമാണ് മീമിലുള്ളത്. സമൂഹമാധ്യമങ്ങളില്‍ ഈ മീം വൈറലായി കഴിഞ്ഞു.
എന്നാല്‍ രാജസ്ഥാന്റെ തമാശ ആര്‍സിബി ആരാധകര്‍ക്ക് രസിച്ചിട്ടില്ല. ഈ ട്വീറ്റ് ബുക്‌മാര്‍ക്ക് ചെയ്ത് വയ്ക്കാന്‍ ആര്‍സിബി അഡ്മിനോട് ആവശ്യപ്പെട്ട ആരാധകര്‍ ഇതിനുള്ള മറുപടി വൈകാതെ തരുമെന്നും കുറിച്ചു. മറ്റു ചിലരാകട്ടെ കുറച്ചു കൂടി രൂക്ഷമായാണ് പ്രതികരിച്ചത്.
English Summary: Rajasthan Royals trolled Kholi gang
You may also like this video
