ഐപിഎല്ലില്‍ രാജസ്ഥാന്‍ റോയല്‍സിന് സണ്‍റൈസേഴ്സ് ഹൈദരാബാദിനെതിരെ 61 റണ്‍സിന്റെ വിജയം. നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 210 റണ്‍സാണ് രാജസ്ഥാന്‍ റോയല്‍സ് നേടിയത്. മറുപടി ബാറ്റിങ്ങിനായി ഇറങ്ങിയ ഹൈദരാബാദിന് 20 ഓവറില്‍ 149/ 7 എടുക്കാനെ സാധിച്ചുള്ളൂ.
രാജസ്ഥാന്റെ നൂറാം മത്സരത്തില്‍ മിന്നും പ്രകടനമാണ് ക്യാപ്റ്റന്‍ സഞ്ജുവും ദേവദത്ത് പടിക്കലും കാഴ്ചവെച്ചത്. ഏറ്റവും കൂടുതല്‍ റണ്‍സുമായി സഞ്ജു തന്നെയാണ് മുന്നില്‍. അഞ്ച് സിക്സറും മൂന്ന് ബൗണ്ടറിയും പറത്തിക്കൊണ്ട് പതിനഞ്ചാം സീസണിലെ ആദ്യ മത്സരത്തില്‍ സഞ്ജു തകര്‍ത്താടി. 27 ബോളില്‍ 55 റണ്‍സാണ് സഞ്ജു നേടിയത്. ബംഗളൂരില്‍ നിന്ന് രാജസ്ഥാനിലേക്ക് എത്തിയ ദേവദത്ത് പടിക്കല്‍ 29 ബോളില്‍ രണ്ട് സിക്സറും നാല് ബൗണ്ടറിയുമുള്‍പ്പെടെ 41 റണ്‍സ് എടുത്തു.
ഹൈദരാബാദിന് വേണ്ടി ഐഡന്‍ മക്രം അര്‍ധ സെഞ്ച്വറി(57) നേടി പുറത്താകാതെ നിന്നു. ക്യാപ്റ്റന്‍ കെയ്ന്‍ വില്യംസണെ ഹൈദരാബാദിന് ആദ്യമേ നഷ്ടമായി. തുടര്‍ന്ന് വിക്കറ്റുകള്‍ ഇടവേളകളില്‍ നഷ്ടപ്പെടുകയായിരുന്നു. യൂസ്വേന്ദ്ര ചാഹര്‍മൂന്നും. ട്രെന്റ് ബോള്‍ട്ട്, പ്രസിദ്ധ് കൃഷ്ണ, എന്നിവര്‍ രണ്ട് വിക്കറ്റ് വീതം നേടി.
English summary; Rajasthan Royals won the IPL by 61 runs
You may also like this video;
