ഭാരതീയ കിസാന്‍ യൂണിയനി(ബികെയു)ല്‍ പിളര്‍പ്പ്. സംഘടനയുടെ പ്രസിഡന്റ് സ്ഥാനത്തുനിന്ന് നരേഷ് ടികായത്തിനെയും വക്താവ് സ്ഥാനത്തുനിന്ന് രാകേഷ് ടികായത്തിനെയും പുറത്താക്കി. രാജേഷ് ചൗഹാനെ പുതിയ പ്രസിഡന്റായി നിശ്ചയിച്ചു. ബികെയു സ്ഥാപകന്‍ മഹേന്ദ്ര സിങ് ടികായത്തിന്റെ ചരമവാര്‍ഷിക ദിനത്തിലാണ് പുതിയ സംഭവവികാസങ്ങള്‍ അരങ്ങേറിയത്.
കര്‍ഷകരുടെ താല്പര്യങ്ങള്‍ക്ക് വിരുദ്ധമായി സംഘടനയെ രാഷ്ട്രീയവല്‍ക്കരിക്കാന്‍ ശ്രമിക്കുകയാണ് ടികായത്ത് സഹോദരന്മാരെന്ന് രാജേഷ് ചൗഹാന്‍ ആരോപിച്ചു. രാഷ്ട്രീയമില്ലാത്ത സംഘടനയാണ് തങ്ങളുടേതെന്നും അങ്ങനെതന്നെ തുടരുമെന്നും അദ്ദേഹം പറഞ്ഞു. അതേസമയം, ഒഴിവാക്കാനുള്ള അവകാശം ജനങ്ങള്‍ക്ക് മാത്രമാണെന്ന് നരേഷ് ടികായത്ത് പറഞ്ഞു.
English Summary: Rakesh Tikayam was sacked by BKU
You may like this video also
