ഡല്ഹിയില് ഇന്ന് പുലര്ച്ചെ പെയ്ത കനത്ത മഴയില് നിരവധി സ്ഥലങ്ങളില് വെള്ളക്കെട്ട്. റെഡ് അലർട്ട് പ്രഖ്യാപിച്ചു. മോത്തി ബാഗ്, മിന്റോറോഡ്, എയര്പോര്ട്ട് ടെര്മിനല് 1 എന്നിവിടങ്ങളിലാണ് അതിരൂക്ഷമായ വെള്ളക്കെട്ടുള്ളത്. ശക്തമായ മഴ വിമാന സർവീസുകളെ സാരമായി ബാധിച്ചു. ഡൽഹി ആഭ്യന്തര വിമാനത്താവളത്തിലെ 40 ഓളം വിമാനങ്ങളാണ് വഴി തിരിച്ച് വിട്ടത്.
ആവശ്യമായ മുന്കരുതലെടുക്കാന് കാലാവസ്ഥാ വകുപ്പ് അറിയിച്ചിട്ടുണ്ട്. വെള്ളക്കെട്ട് രൂക്ഷമായ സ്ഥലങ്ങളിൽ ആളുകളെ നീക്കം ചെയ്യുന്നതിനുള്ള നീക്കങ്ങൾ ആരംഭിച്ചതായി അധികൃതർ അറിയിച്ചു. മണിക്കൂറിൽ 40–60 കിലോമീറ്റർ വേഗതയിൽ വീശിയടിക്കുന്ന ശക്തമായ ഇടിമിന്നലിനും കാറ്റിനും സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകിയട്ടുണ്ട്.