മഹാരാഷ്ട്രയിലെ ബീഡ് ജില്ലയില് പത്തുവയസുകാരന് ജീവനൊടുക്കി. പുതിയ ചെരിപ്പ് വാങ്ങിക്കൊടുക്കാത്തതിന്റെ പേരിലാണ് കുട്ടി തൂങ്ങിമരിച്ചതെന്ന് പൊലീസ് ഉദ്യോഗസ്ഥര് വ്യക്തമാക്കി. തിങ്കളാഴ്ച ഉച്ചയോടെയാണ് സംഭവം. കുട്ടി അമ്മയുടെ മാതാപിതാക്കള്ക്കൊപ്പമാണ് താമസിച്ചിരുന്നത്. കുട്ടിയുടെ മാതാപിതാക്കള് അയല്ഗ്രാമത്തിലാണുള്ളത്. ഇവര് കര്ഷകരാണ്. തിങ്കളാഴ്ചയാണ് കുട്ടി പുതിയ ചെരിപ്പ് വേണമെന്ന് ആവശ്യപ്പെട്ടത്.
എന്നാല് മുത്തശ്ശനും മുത്തശ്ശിയും ആവശ്യം അംഗീകരിച്ചില്ല.തുടര്ന്ന് താന് മാതാപിതാക്കളുടെ വീട്ടില് പോകുകയാണെന്ന് കുട്ടി ഇവരോട് പറഞ്ഞതായി പൊലീസ് ഉദ്യോഗസ്ഥര് വെളിപ്പെടുത്തി. മാതാപിതാക്കളുടെ വീട്ടിലേക്കുള്ള യാത്രാമധ്യേയാണ് കുട്ടി മരത്തില് തൂങ്ങി മരിച്ചതെന്നാണ് പ്രാഥമിക അന്വേഷണത്തില് വ്യക്തമായതെന്നും പൊലീസ് അറിയിച്ചു.
English Summary: Refused New Chappals, 10-Year-Old Dies By Suicide In Maharashtra
You may also like this video
