ചാൻസിലറുടെ കാരണം കാണിക്കൽ നോട്ടീസിന് മറുപടി നൽകാൻ വിസിമാർക്ക് കൂടുതൽ സമയം അനുവദിച്ച് ഹൈക്കോടതി. ഹർജിക്കാരെ കേൾക്കാൻ ഗവർണർ കൃത്യമായ സമയം അനുവദിക്കണമെന്ന് കോടതി നിർദേശിച്ചു. തിരഞ്ഞെടുക്കപ്പെട്ടത് യുജിസി മാനദണ്ഡപ്രകാരമല്ലെന്ന് ചൂണ്ടിക്കാട്ടിയാണ് ചാൻസിലർ ഒമ്പത് വിസിമാർക്ക് കാരണം കാണിക്കൽ നോട്ടീസ് നൽകിയത്.
പിരിച്ചുവിടാതിരിക്കാനുള്ള കാരണം ബോധ്യപ്പെടുത്തണമെന്ന് ആവശ്യപ്പെട്ടതിനെതുടർന്ന് വിസിമാർ ഹൈക്കോടതിയെ സമീപിക്കുകയായിരുന്നു. ഹര്‍ജിക്കാര്‍ ഉന്നയിച്ച കാര്യങ്ങൾ ചാൻസിലർ പരിഗണിക്കണമെന്നും അവർക്ക് പറയാനുള്ളത് കേൾക്കണമെന്നും കോടതി നിർദേശിച്ചു.
വിസിമാർ അടക്കമുള്ളവരെ വിളിച്ചുവരുത്തി അവരുടെ വിശദീകരണം കൂടി കേട്ടശേഷം ആറാഴ്ചയ്ക്കകം തീരുമാനമെടുക്കണമെന്നാണ് കോടതി വ്യക്തമാക്കിയത്. ചാൻസിലർ ഇറക്കുന്ന ഉത്തരവ് വിസിമാർക്ക് എതിരാണെങ്കിൽ അത് 10 ദിവസത്തേക്ക് മരവിപ്പിക്കാനും കോടതി നിർദേശിച്ചു.
English Summary: Reply to Chancellor’s Show Cause Notice granted more time to VCs
You may also like this video
