മധ്യപ്രദേശിലെ ഇൻഡോറിൽ വെജിറ്റേറിയൻ വിഭവം ഓർഡർ ചെയ്തയാള്‍ക്ക് മാംസാഹാരം നൽകിയ റെസ്റ്റോറന്റ് ഉടമയ്ക്കെതിരെ കേസെടുത്തു. ആകാശ് ദുബെ എന്നയാളുടെ പരാതിയില്‍ ആൽബ ബാരിസ്റ്റോ റസ്റ്റോറന്റ് ഉടമ സ്വപ്നിൽ ഗുജറാത്തിക്കെതിരെയാണ് നടപടി. തിങ്കളാഴ്‌ച രാത്രിയാണ് സംഭവം. ഹോട്ടലിലെത്തിയ ആകാശ് ദുബെ വെജ് ബിരിയാണിയാണ് ആവശ്യപ്പെട്ടത്. തുടര്‍ന്ന് കഴിച്ച് തുടങ്ങിയപ്പോള്‍ ബിരിയാണിയില്‍ നിന്ന് എല്ലിൻ കഷ്ണങ്ങള്‍ ലഭിക്കുകയായിരുന്നു.
പിന്നാലെ ആകാശ് റെസ്റ്റോറന്റ് മാനേജറോടും ജീവനക്കാരനോടും പരാതിപ്പെട്ടിരുന്നു. ഇവര്‍ ക്ഷമ ചോദിച്ചെങ്കിലും, വിജയ് നഗര്‍ പൊലീസ് സ്റ്റേഷനിലെത്തി മതവികാരം വ്രണപ്പെടുത്തിയെന്ന് കാണിച്ച് ആകാശ് പരാതി നല്‍കുകയായിരുന്നു. സെക്ഷന്‍ 298 പ്രകാരം റെസ്റ്റോറന്റ് മാനേജര്‍ സ്വപ്‌നില്‍ ഗുജറാതിക്കെതിരെ കേസെടുത്തു.
English Summary: restaurant owner has been booked for allegedly serving non-vegetarian food to a customer
You may also like this video
