തെലങ്കാന മുഖ്യമന്ത്രിയായി കോണ്‍ഗ്രസിലെ എ രേവന്ത് റെഡ്ഡി ഇന്നു ചുമതലയേല്‍ക്കും. ഉച്ചയ്ക്ക് ഒരുമണിക്കാണ് റെഡ്ഡിയും മന്ത്രിമാരും അധികാരമേല്‍ക്കുക. സത്യപ്രതിജ്ഞാ ചടങ്ങില്‍ ഇന്ത്യ സഖ്യത്തിലെ മുതിര്‍ന്ന നേതാക്കളെ ക്ഷണിച്ചതായി നിയുക്ത മുഖ്യമന്ത്രി അറിയിച്ചു.
ബംഗാള്‍ മുഖ്യമന്ത്രി മമതാ ബാനര്‍ജി, തമിഴ‌്നാട് മുഖ്യമന്ത്രി എം കെ സ്റ്റാലിന്‍, ബിഹാര്‍ മുഖ്യമന്ത്രി നിതിഷ് കുമാര്‍ എന്നിവരെ ക്ഷണിച്ചതായി അദ്ദേഹം പറഞ്ഞു. രാഹുല്‍ ഗാന്ധി, സോണിയ ഗാന്ധി, സിപിഐ ജനറല്‍ സെക്രട്ടറി ഡി രാജ, സിപിഐ(എം) ജനറല്‍ സെക്രട്ടറി സീതാറാം യെച്ചുരി തുടങ്ങിയ മുതിര്‍ന്ന നേതാക്കള്‍ ചടങ്ങില്‍ പങ്കെടുക്കുമെന്നും അദ്ദേഹം അറിയിച്ചു. മമതാ ബാനര്‍ജിക്ക് പകരം ഡെറിക് ഒബ്രിയാന്‍ എംപി പങ്കെടുക്കുമെന്ന് അറിയിച്ചിട്ടുണ്ട്. ചെന്നൈയിലെ പ്രളയം കാരണം സ്റ്റാലിന്‍ അസൗകര്യം അറിയിച്ചതായും രേവന്ത് റെഡ്ഡി പറഞ്ഞു.
English Summary: Revanth Reddy will take oath today
You may also like this video
