ഓഹരി വിപണിയില്‍ മുന്നേറ്റം. സെന്‍സെക്‌സ് 1,534 പോയ്ന്റ് അഥവാ 2.91 ശതമാനം നേട്ടത്തോടെ ഇന്നലെ വ്യാപാരം അവസാനിപ്പിച്ചു. നിഫ്റ്റി 50 സൂചിക 457 പോയ്ന്റ് അഥവാ 2.89 ശതമാനം ഉയര്‍ന്ന് 16,266 ലും ക്ലോസ് ചെയ്തു. ഇതോടെ കഴിഞ്ഞദിവസത്തെ നഷ്ടം തിരിച്ചെടുക്കാന്‍ വിപണിക്ക് സാധിച്ചു
സെന്‍സെക്‌സിലെ 30 ഓഹരികളും നിഫ്റ്റി 50 ലെ 48 ഓഹരികളും മുന്നേറ്റം കാഴ്ചവച്ചു. ഡോ.റെഡ്ഡീസ് ലാബ്സ്, ജെഎസ്ഡബ്ല്യു സ്റ്റീല്‍, നെസ്ലെ ഇന്ത്യ, ടാറ്റ മോട്ടോഴ്സ്, ടാറ്റ സ്റ്റീല്‍, സിപ്ല, അഡാനി പോര്‍ട്ട്സ്, എല്‍ ആന്‍ഡ് ടി, ആര്‍ഐഎല്‍, ആക്സിസ് ബാങ്ക്, എസ്ബിഐ എന്നിവ 3.5 ശതമാനം വീതം മുന്നേറി. യുപിഎല്ലും ശ്രീ സിമന്റും മാത്രമാണ് 0.8 ശതമാനം വരെ താഴ്ന്നത്. ബിഎസ്ഇ മിഡ്ക്യാപ്, സ്‌മോള്‍ക്യാപ് സൂചികകള്‍ രണ്ട് ശതമാനം വീതം ഉയര്‍ന്നു.
English summary;Revival in the stock market
You may also like this video;
