റിഫ മെഹ്നുവിന്റെ മരണത്തിൽ ദുരൂഹതയെന്ന് ബന്ധുക്കൾ

ദുബൈയിൽ ദുരൂഹ സാഹചര്യത്തിൽ മരിച്ച വ്​ളോ​ഗ​റും ആ​ൽ​ബം താ​ര​വു​മാ​യ പാ​വ​ണ്ടൂ​ർ മ​ന്ദ​ല​ത്തി​ൽ അ​മ്പ​ല​പ്പ​റ​മ്പി​ൽ റി​ഫ മെഹ്നു(21)വിന്റെ മരണം ആത്മഹത്യയല്ലെന്ന് ബന്ധുക്കൾ. സംഭവത്തിൽ ദുരൂഹതയുണ്ടെന്നും സമഗ്ര അന്വേഷണം വേണമെന്നും ആവശ്യപ്പെട്ട് ബന്ധുക്കൾ പൊലീസിനെ സമീപിച്ചു.

തിങ്കളാഴ്ച രാത്രിയാണ് റിഫയെ ദുബൈയിലെ ഫ്ളാറ്റിൽ മരിച്ചനിലയിൽ കണ്ടെത്തിയത്. തിങ്കളാഴ്ച രാത്രി നാട്ടിലുള്ള മകനുമായി റിഫ സംസാരിച്ചിരുന്നു. ഇതിന് ശേഷമാണ് റിഫ മരിച്ചുവെന്ന വാർത്ത അറിയുന്നത്. ആത്മഹത്യ ചെയ്യത്തക്ക പ്രശ്നങ്ങൾ റിഫക്ക് ഉണ്ടായിരുന്നില്ലെന്നും മരണത്തിൽ അന്വേഷണം വേണമെന്നുമാണ് ബന്ധുക്കളുടെ ആവശ്യം.

ഇൻസ്റ്റഗ്രാമിലൂടെ പരിചയപ്പെട്ട് വിവാഹിതരായ റിഫക്കും ഭർത്താവിനും രണ്ട് വയസുള്ള മകനുണ്ട്. ദിവസങ്ങൾക്ക് മുൻപാണ് റിഫ മകനെ മാതാപിതാക്കളുടെ അടുത്താക്കി ദുബൈയിലേക്ക് തിരിച്ചത്. തുങ്ങിമരിച്ച നിലയിലാണ് ദുബൈയിലെ ഫ്ളാറ്റിൽ റിഫയെ കണ്ടത്. സുഹൃത്തുക്കളോടൊപ്പം പുറത്തുപോയി വന്ന ഭർത്താവാണ് മൃതദേഹം കണ്ടത്.

വീട്ടിലേക്ക് വീഡിയോകോൾ വിളിച്ച് മണിക്കൂറുകൾക്കുള്ളിൽ ആത്മഹത്യ ചെയ്യാൻ എന്തുകാരണമാണ് ഉണ്ടായതെന്നാണ് ബന്ധുക്കള്‍ ചോദിക്കുന്നത്. ഭ​ർ​ത്താ​വ് മെ​ഹ്നാ​സു​മാ​യി ബ​ന്ധ​പ്പെ​ട്ട പ്ര​ശ്​ന​ങ്ങ​ളാ​ണ് ആ​ത്മ​ഹ​ത്യ​യി​ലേ​ക്ക് ന​യി​ച്ച​തെ​ന്നാ​ണ് കുടുംബം സംശയിക്കുന്നത്. മ​രിച്ച ​ദി​വ​സം പു​റ​ത്തു ഭ​ക്ഷ​ണം ക​ഴി​ക്കാ​ൻ പോ​യ സ​മ​യ​ത്ത് മെ​ഹ്നാ​സി​നെ റി​ഫ വി​ളി​ച്ചി​രു​ന്നു. ഭ​ക്ഷ​ണം ക​ഴി​ക്കാ​ൻ പോ​യ​പ്പോ​ൾ നേ​രം വൈ​കു​ന്ന​തി​നെ ചൊ​ല്ലി​യും വാ​ക്കു​ത​ർ​ക്ക​മു​ണ്ടാ​യി​രു​ന്ന​താ​യി ബ​ന്ധു​ക്ക​ൾ പറയുന്നു.

വ്​ളോ​ഗ​ർ ജോ​ലി​യും അ​തു​വ​ഴി​യു​ള്ള പ്ര​ശ​സ്തി​യും ഭ​ർ​ത്താ​വി​നെ ചൊ​ടി​പ്പി​ച്ചി​രു​ന്ന​താ​യും ഇ​ത് മാ​ന​സി​ക​ വി​ഷ​മ​ത്തി​നി​ട​യാ​ക്കി​യ​താ​യും ആരോപണമുണ്ട്. ഇ​ക്കാ​ര്യ​ങ്ങ​ളി​ൽ അ​ന്വേ​ഷ​ണം ആ​വ​ശ്യ​പ്പെ​ട്ട് ബാ​ലു​ശേ​രി പൊലീ​സി​ൽ പ​രാ​തി​ ന​ൽകി. ​ദു​ബാ​യ് ജാ​ഫി​ലി​യ​യി​ലെ ഫ്ളാ​റ്റി​ലാ​ണ് റി​ഫ​യെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹം കഴിഞ്ഞ ദിവസം വീ​ട്ടി​ലെ​ത്തി​ച്ച് ക​ബ​റ​ട​ക്കി. ആ​ത്മ​ഹ​ത്യ​യാ​ണെ​ന്ന വി​വ​ര​മാ​ണ് ദു​ബാ​യി​ലെ പോ​സ്റ്റ്മോ​ർ​ട്ട​ത്തി​നു ശേ​ഷം ല​ഭി​ച്ച​തെ​ന്നു ബ​ന്ധു​ക്ക​ൾ പറഞ്ഞു.

തി​ങ്ക​ളാ​ഴ്ച രാ​ത്രി കൂ​ട്ടു​കാ​രോ​ടൊ​പ്പം പു​റ​ത്തു ഭ​ക്ഷ​ണം ക​ഴി​ക്കാ​ൻ പോ​യ ഭ​ർ​ത്താ​വ് മെ​ഹ്നാ​സ് തി​രി​കെ ഫ്ളാ​റ്റി​ലെ​ത്തി​യ​പ്പോ​ൾ ജോ​ലി ക​ഴി​ഞ്ഞെ​ത്തി​യ റി​ഫ​യെ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യെ​ന്നാ​ണ് ബ​ന്ധു​ക്ക​ളെ അ​റി​യി​ച്ച​ത്. ഭ​ർ​ത്താ​വ് പൊ​ട്ടി​ക്ക​ര​ഞ്ഞു​കൊ​ണ്ട് റി​ഫ​യു​ടെ മ​ര​ണ​വി​വ​രം വീ​ഡി​യോ സ്റ്റോ​റി​യാ​യി പോ​സ്റ്റ് ചെ​യ്യു​ക​യാ​യി​രു​ന്നു. ഈ ​വീ​ഡി​യോ പി​ന്നീ​ട് നീ​ക്കം ചെ​യ്തി​ട്ടു​ണ്ട്. ഇ​ക്കാ​ര്യ​ങ്ങ​ളും പൊലീ​സ് അന്വേഷിക്കും.

eng­lish sum­ma­ry; Rifa Mehnu’s death is a mystery

you may also like this video;