നായര്‍ സര്‍വീസ് സൊസൈറ്റിയുടെ പ്രതിനിധി സഭയില്‍ കലഹം. അഭിപ്രായം പറയാന്‍ അവസരം നല്‍കുന്നില്ലെന്ന് ആരോപിച്ച് പെരുന്നയിലെ ആസ്ഥാനത്ത് നടന്ന യോഗത്തില്‍ നിന്നും ആറുപേര്‍ ഇറങ്ങിപ്പോയി. ജനറൽ സെക്രട്ടറി സ്ഥാനത്തേക്ക് ഉൾപ്പടെ തെരഞ്ഞെടുപ്പ് വെള്ളിയാഴ്ച നടക്കാനിരിക്കെയാണ് പ്രതിഷേധം.
എൻഎസ്എസ് അടൂർ താലൂക്ക് യൂണിയൻ പ്രസിഡന്റ് കലഞ്ഞൂർ മധുവിന്റെ നേതൃത്വത്തിലുള്ളവരാണ് ഇറങ്ങിപ്പോയത്.
എൻഎസിൽ ജനാധിപത്യമില്ലന്ന് കലഞ്ഞൂർ മധു പ്രതികരിച്ചു. ജി സുകുമാരനൊപ്പം നിൽക്കുന്നവർക്ക് മാത്രമേ എൻഎസ്എസിൽ തുടരാനാവൂ എന്നും അദ്ദേഹം കൂട്ടിച്ചേർത്തു.
അതേസമയം എൻഎസ്എസ് ഡയറക്ടർ ബോർഡിൽ നിന്ന് കലഞ്ഞൂർ മധു പുറത്തായി. പകരം കെബി ഗണേഷ് കുമാറിനെ എൻഎസ്എസ് ഡയറക്ടർ ബോർഡ്‌ അംഗമായി തെരഞ്ഞെടുത്തു.
English Summary: rift in nss over director board election
You may also like this video
