ധോണിയെ മറികടന്ന് പന്ത്

ടെസ്റ്റില്‍ ഏറ്റവും വേഗത്തില്‍ 2500 റണ്‍സ് നേടുന്ന ഇ­ന്ത്യന്‍ വിക്കറ്റ് കീപ്പറെന്ന റെ­ക്കോഡ് സ്വന്തമാക്കി റിഷഭ് പന്ത്. ന്യൂസിലന്‍ഡിനെതിരായ ആദ്യ ടെസ്റ്റിന്റെ രണ്ടാം ഇന്നിങ്സിലെ തകര്‍പ്പന്‍ ബാറ്റിങ് പ്രകടനമാണ് പന്തിനെ നേട്ടത്തിലെത്തിച്ചത്. 62 ഇന്നിങ്സില്‍ നിന്നാണ് പന്തിന്റെ നേട്ടം. 69 ഇന്നിങ്സുകളില്‍ 2500 റണ്‍സ് തികച്ച എം എസ് ധോണിയെയാണ് റിഷഭ് പന്ത് പിന്നിലാക്കിയത്. 82 ഇന്നിങ്സില്‍ 2500 റണ്‍സ് പിന്നിട്ടിട്ടുള്ള ഫറൂഖ് എന്‍ജിനീയറാണ് അതിവേഗം 2500 റണ്‍സ് തികച്ച ഇന്ത്യൻ വിക്കറ്റ് കീപ്പര്‍മാരില്‍ മൂന്നാം സ്ഥാനത്ത്.