ദേശീയപാത 66 കയ്പമംഗലം വഴിയമ്പലത്തുണ്ടായ വാഹനാപകടത്തില്‍ ദമ്പതികൾ ഉൾപ്പെടെ നാല് പേർക്ക് പരിക്ക്. ഇടറോഡിൽ നിന്നും ദേശീയപാതയിലേക്ക് കയറുകയായിരുന്ന സ്കൂട്ടറിൽ ടൂറിസ്റ്റ് ബസ് ഇടിക്കുകയും പിറകിൽ വരികയായിരുന്ന സ്വകാര്യ ലിമിറ്റഡ് സ്റ്റോപ്പ് ഈ ബസ്സിന്റെ പിന്നിൽ ഇടിക്കുകയായിരുന്നു.
ഇന്ന് രാവിലെ പത്തരയോടെയാണ് അപകടം ഉണ്ടായത്. അപകടത്തിൽ സ്വകാര്യ ബസിലെ യാത്രക്കാരായ വലപ്പാട് കരായവട്ടം സ്വദേശി പട്ടത്ത് ജയപാലൻ (69), ഭാര്യ ശാന്തി (55), പാലാരിവട്ടം സ്വദേശി പുണർതം വീട്ടിൽ പത്മിനി (66), സ്കൂട്ടർ യാത്രക്കാരി കയ്പമംഗലം പുതിയവീട്ടിൽ ഹംസ ഭാര്യ ബീ ഫാത്തിമ (69) എന്നിവർക്കാണ് പരിക്കേറ്റത്.
ഇവരെ കയ്പമംഗലം ഹാർട്ട് ബീറ്റ് ആംബുലൻസ് പ്രവർത്തകരും, ശിഹാബ് തങ്ങൾ ആംബുലൻസ് പ്രവർത്തകരും ചേർന്ന് കൊടുങ്ങല്ലൂരിലെ വിവിധ സ്വകാര്യ ആശുപത്രിയിൽ പ്രവേശിപ്പിച്ചു . ടൂറിസ്റ്റ് ബസിലെ യാത്രക്കാർക്ക് പരിക്കില്ല. അപകടത്തിൽ സ്വകാര്യ ബസ്സിന്റെ മുൻഭാഗം പൂർണ്ണമായി തകര്‍ന്നു. ടൂറിസ്റ്റ് ബസിന്റെ പിൻഭാഗത്തിനു കേടുപാടുകൾ സംഭവിച്ചിട്ടുണ്ട്.
English Summary; Road accident at Kaypamangalam road; Four people, including a couple, were injured
You may also like this video
