ആർഎസ്എസ് വലിയ സംഘടനയാണെന്ന എ എന്‍ ഷംസീരറിന്റെ പ്രസ്താവന ഒരുപാട് ദുർവ്യാഖ്യാനിക്കപ്പെടുന്നുവെന്നും അദ്ദേഹത്തെപ്പോലൊരാൾ ആ പ്രസ്താവന ഒഴിവാക്കേണ്ടതായിരുന്നുവെന്നും സിപിഐ സംസ്ഥാന സെക്രട്ടറി ബിനോയ് വിശ്വം.
ഗാന്ധി വധത്തിൽ നിരോധിക്കപ്പെട്ട സംഘടന പ്രധാനപ്പെട്ടതെന്ന് പറയുമ്പോൾ, ആ പ്രാധാന്യം എന്താണെന്ന ചോദ്യമുണ്ടാവുന്നു. പ്രസ്താവന ദുർവ്യാഖ്യാനങ്ങൾക്ക് ഇട നൽകുമെന്നും അദ്ദേഹം മാധ്യമ പ്രവർത്തകരോട് പറഞ്ഞു.
കേരളത്തിന്റെ എഡിജിപിക്ക് ആർഎസ്എസ് മേധാവികളെ ചെന്നുകണ്ട് സംസാരിക്കാൻ എന്താണ് കാര്യമുള്ളത്. ക്രമസമാധാന ചുമതലയുള്ള എഡിജിപി ഊഴം വച്ച് ആർഎസ്എസ് നേതാക്കളെ കണ്ടതെന്തിനാണെന്ന് ചോദിച്ച ബിനോയ് വിശ്വം ആ കൂടിക്കാഴ്ചയുടെ പൊരുൾ എന്താണെന്ന് അറിയാനുള്ള അവകാശമുണ്ടെന്നും വ്യക്തമാക്കി.