റഷ്യന്‍ സൈന്യം ഉക്രെയ്നിലേക്ക് മുന്നേറുമ്പോള്‍ ഉക്രെയ്ന്‍ പ്രസിഡന്റ് വ്‌ലാദിമിർ സെലൻസ്‌കിയെ ബങ്കറിലേക്ക് മാറ്റി. കീവിൽ റഷ്യൻ മുന്നേറ്റം തുടരുന്ന സാഹചര്യത്തിലാണ് സെലൻസ്‌കിയെ സുരക്ഷിത ഇടത്തേക്ക് മാറ്റിയത്. കീവിൽ ശക്തമായ ഏറ്റുമുട്ടൽ തുടരുകയാണ്. റഷ്യൻ സേനയ്ക്ക് നേരെ കീവില്‍ ഉക്രെൻ വെടിയുതിർത്തു. പാർലമെന്റിലെ ഉദ്യോഗസ്ഥർക്ക് ഉക്രെൻ ആയുധങ്ങൾ നൽകി.
ഏറ്റുമുട്ടലിൽ നിരവധി ആളുകൾക്ക് പരുക്കേറ്റതായും ഒരാളുടെ നില അതീവ ഗുരുതരമായെന്നും കീവ് മേയർ അറിയിച്ചു. അതേസമയം റഷ്യയുടെ സുഖോയ് 35 വിമാനം വെടിവച്ചിട്ടതായി യുക്രൈൻ പ്രതിരോധ മന്ത്രാലയം അറിയിച്ചു. ആക്രമണത്തിന്റെ ദൃശ്യം പ്രതിരോധ മന്ത്രാലയം പുറത്തുവിട്ടു.ഉക്രെയ്നോട് ആയുധം താഴെ വച്ചാൽ ചർച്ചയ്ക്ക് തയ്യാറാകാമെന്ന് റഷ്യയും അറിയിച്ചു.
English Summary:Russian army advances; Volodymyr Zelenskyy was moved to the bunker
You may also like this video
