ഉക്രെയ്‌നില്‍ പോളണ്ട് അതിര്‍ത്തിയിലുള്ള സൈനിക പരിശീലന കേന്ദ്രത്തില്‍ റഷ്യ നടത്തിയ മിസൈല്‍ ആക്രമണത്തില്‍ 35 പേര്‍ കൊല്ലപ്പെട്ടു. നൂറിലേറെ പേര്‍ക്ക് പരിക്കേറ്റു. ക്രൂയിസ് മിസൈലാണ് റഷ്യ ആക്രമണത്തിന് ഉപയോഗിച്ചത്. മുപ്പതിലേറെ മിസൈലുകള്‍ സൈനിക കേന്ദ്രത്തില്‍ പതിച്ചെന്നാണ് റിപ്പോര്‍ട്ട്.
പോളണ്ട് അതിര്‍ത്തിയില്‍നിന്നും 25 കിലോമീറ്റര്‍ മാത്രം അകലെയുള്ള സൈനിക പരിശീലന കേന്ദ്രമാണിത്. ലിവിവ് റീജണല്‍ ഗവര്‍ണറാണ് റഷ്യന്‍ ആക്രമണം സ്ഥിരീകരിച്ചത്. പോളണ്ട് അതിര്‍ത്തിയിലൂടെ ഉക്രെയ്ന് പാശ്ചാത്യരാജ്യങ്ങള്‍ ആയുധങ്ങള്‍ നല്‍കുന്നുണ്ടെന്ന വിവരത്തെ തുടര്‍ന്നാണ് റഷ്യന്‍ ആക്രമണം.
English summary; Russian missile strike on Ukraine military training center; 35 people were killed
You may also like this video;
