റഷ്യയുടെ 45 നയതന്ത്രജ്ഞരായി പ്രവര്‍ത്തിച്ച 45 ഉദ്യോഗസ്ഥരെ ചാരന്മാരെന്ന് തിരിച്ചറിഞ്ഞതായി ചാരവൃത്തി കണ്ടെത്തുന്നതിനുള്ള പോളണ്ടിലെ സംവിധാനമായ എബിഡബ്ല്യൂ. തുടര്‍ന്ന് ഇവരെ പുറത്താക്കാന്‍ വിദേശകാര്യ മന്ത്രാലയത്തോട് ആവശ്യപ്പെട്ടതായും അധികൃതര്‍ അറിയിച്ചു. ഇവരുടെ പേര് വിവരങ്ങളടങ്ങിയ പട്ടിക മന്ത്രാലയത്തിന് കൈമാറി. പോളണ്ടിലെ രഹസ്യങ്ങള്‍ ചോര്‍ത്തി റഷ്യയ്ക്ക് കൈമാറിയ പോളണ്ട് പൗരനെ പിടികൂടിയിട്ടുള്ളതായും വക്താവ് ട്വിറ്ററില്‍ അറിയിച്ചു.
വേഴ്സൊവിലെ രജിസ്ട്രേഷന്‍ ഓഫീസിലാണ് ഇയാള്‍ ജോലി ചെയ്തിരുന്നതെന്നും ഇയാള്‍ പോളണ്ടിന്റെ ആഭ്യന്തര- അന്താരാഷ്ട്ര സുരക്ഷയ്ക്ക് വെല്ലുവിളിയാണെന്നും ഔദ്യോഗികവക്താക്കള്‍ കൂട്ടിച്ചേര്‍ത്തു.
English Summary: Russia’s 45 diplomats reportedly spies: Poland orders expulsion
You may like this video also
