ശബരിമലയിൽ മകരജ്യോതി തെളിഞ്ഞു. വൈകുന്നേരം ദീപാരാധനയ്ക്ക് ശേഷമാണ് മകരജ്യോതി ദൃശ്യമായത്. തിരുവാഭരണ വിഭൂഷിതനായ അയ്യപ്പസ്വാമിയെ വണങ്ങാനും മകരജ്യോതി ദർശിക്കാനും പതിനായിരക്കണക്കിന് തീർഥാടകരാണ് സന്നിധാനത്ത് എത്തിച്ചേർന്നത്. പന്തളം കൊട്ടാരത്തിൽ നിന്നുള്ള തിരുവാഭരണ ഘോഷയാത്ര വൈകുന്നേരത്തോടെ സന്നിധാനത്തെത്തി. തന്ത്രിയും മേൽശാന്തിയും ചേർന്ന് സ്വീകരിച്ച തിരുവാഭരണങ്ങൾ അയ്യപ്പ വിഗ്രഹത്തിൽ ചാർത്തിയ ശേഷം നടയടച്ച് ദീപാരാധന നടത്തി. മകരജ്യോതി ദൃശ്യമായതോടെയാണ് നടതുറന്നത്.
ഭക്തിസാന്ദ്രമായി ശബരിമല; പൊന്നമ്പലമേട്ടിൽ മകരജ്യോതി തെളിഞ്ഞു
