നവയുഗം സാംസ്ക്കാരികവേദി കേന്ദ്രകമ്മിറ്റി വൈസ് പ്രസിഡന്റും, സൗദിയിലെ പ്രമുഖ ജീവകാരുണ്യപ്രവർത്തകയുമായിരുന്ന സഫിയ അജിത്തിന്റെ ഏഴാം ചരമവാർഷികം പ്രമാണിച്ചു നവയുഗം അൽഹസ്സ മേഖലാ കമ്മറ്റിയുടെ നേതൃത്വത്തിൽ സഫിയാ അജിത്ത് അനുസ്മരണ സമ്മേളനം സംഘടിപ്പിച്ചു.
നവയുഗം അൽഹസ്സ മേഖല പ്രസിഡന്റ് ഉണ്ണിമാധവത്തിന്റെ അദ്ധ്യക്ഷതയിൽ, ശോഭാ യൂണിറ്റ് കമ്മിറ്റി ഓഫിസിൽ കൂടിയ അനുസ്മരണസമ്മേളനം നവയുഗം ജനറൽ സെക്രട്ടറി എം.എ വാഹിദ് ഉത്‌ഘാടനം ചെയ്തു. ഒട്ടേറെ പ്രവാസികളെ, പ്രത്യേകിച്ചും പ്രവാസി വനിതകളെ നിയമക്കുരുക്കുകളിൽ നിന്നും രക്ഷിച്ചു കൊണ്ട്, പുരുഷകേന്ദ്രീകൃതമായ ഒരു സമൂഹത്തിൽ സ്ത്രീകൾക്കും ജീവകാരുണ്യപ്രവർത്തങ്ങളിൽ വലിയൊരു പങ്കു വഹിയ്ക്കാൻ കഴിയുമെന്ന് തെളിയിച്ച സഫിയ അജിത്തിന്റെ ധീരോജ്ജ്വലമായ ജീവിതവഴികളും, ത്യാഗങ്ങളും സൗദിയിലെ പ്രവാസസമൂഹം ഒരിയ്ക്കലും വിസ്മരിയ്ക്കില്ലെന്ന് ഉത്‌ഘാടന പ്രസംഗത്തിൽ അദ്ദേഹം പറഞ്ഞു.
നവയുഗം കേന്ദ്ര കമ്മറ്റിയംഗം ദാസൻ രാഘവൻ അനുസ്മര പ്രഭാഷണം നടത്തി. അനുസ്മരണ സമ്മേളനത്തിന് ശോഭാ യൂണിറ്റ് സെക്രട്ടറി നിസാർ സ്വാഗതവും, ഷുക്കേക്ക് യൂണീറ്റ് ട്രഷറർ ഷിബു താഹിർ നന്ദിയും പറഞ്ഞു.
ഫോട്ടോ: സഫിയ അജിത്ത് അനുസ്മരണസമ്മേളനം എം.എ വാഹിദ് ഉത്‌ഘാടനം ചെയ്യുന്നു.
English Summary: Safiya Ajith’s memory was renewed and Navayugam memorial meeting was held
You may like this video also
