അഡ്വ. സൈബി കിടങ്ങൂർ ഹൈക്കോടതി അഭിഭാഷക അസോസിയേഷൻ പ്രസിഡന്റ് സ്ഥാനം ഒഴിഞ്ഞു. ഹൈക്കോടതി ജഡ്ജിമാർക്കു കൈക്കൂലി നൽകണമെന്നു പറഞ്ഞ് കക്ഷികളിൽനിന്ന് 77 ലക്ഷം രൂപ കൈപ്പറ്റിയെന്ന കേസിൽ ആരോപണം നേരിട്ടതിനെ തുടർന്നാണ് രാജി. സൈബിയുടെ രാജി അസോസിയേഷൻ എക്സിക്യൂട്ടീവ് അംഗീകരിച്ചു. കൈക്കൂലി ആരോപണം ഉയർന്നതിന് പിന്നാലെ സൈബി അഭിഭാഷക അസോസിയേഷൻ പ്രസിഡന്റ് സ്ഥാനം രാജിവയ്ക്കണമെന്ന് ഒരുവിഭാഗം അഭിഭാഷകർ നേരത്തെ തന്നെ ആവശ്യപ്പെട്ടിരുന്നു.
കോഴ ആരോപണം: സൈബി കിടങ്ങൂര്‍ പദവി ഒഴിഞ്ഞു
