സന്തോഷ് ട്രോഫി ഫുട്ബാളിൽ ഫൈനൽ റൗണ്ട് ഉറപ്പിക്കാൻ കേരളം ഇന്ന് പുതുച്ചേരിക്കെതിരെ. പ്രാഥമിക റൗണ്ടിലെ ആദ്യ രണ്ട് മത്സരങ്ങളിലും വിജയം നേടി ഏറെക്കുറെ ഫൈനൽ റൗണ്ടിലേക്ക് കടന്ന കേരളത്തിന്റെ ഗ്രൂപ്പ് എച്ചിലെ അവസാന മത്സരമാണിത്. ഉച്ചകഴിഞ്ഞ് 3.30 മുതൽ കോഴിക്കോട് കോർപറേഷൻ സ്റ്റേഡിയത്തിലാണ് മത്സരം. ആദ്യ മത്സരത്തിൽ റെയിൽവേയ്സിനെ 1-0ത്തിന് തോൽപ്പിച്ചിരുന്ന കേരളം രണ്ടാം മത്സരത്തിൽ ലക്ഷദ്വീപിനെ 10-0 ത്തിനാണ് തോൽപ്പിച്ചത്. പുതുച്ചേരിക്കെതിരെ വിജയിച്ചെങ്കിലും കേരളത്തോടേറ്റ തോൽവി റെയിൽവേയ്സിന് കനത്ത തിരിച്ചടിയായി. ഇന്ന് ഗ്രൂപ്പിലെ അവസാന മത്സരത്തിൽ രാവിലെ 7:30 ന് റെയിൽവേയ്സ് ലക്ഷദ്വീപുമായി ഏറ്റുമുട്ടും.
സന്തോഷ് ട്രോഫി: കേരളം ഇന്ന് പുതുച്ചേരിയുമായി
