പാലക്കാട്മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി പി സരിനെ മണ്ഡലത്തിലെ ഒരു വിവാഹ ചടങ്ങില്‍ വെച്ച് അവഹേളിച്ച യൂത്ത് കോണ്‍ഗ്രസ് സംസ്ഥാന പ്രസിഡന്റുകൂടിയായ രാഹുല്‍ മാങ്കുട്ടത്തിലിന്റെ നടപടിയെ തള്ളി പറഞ് ശശി തരൂര്‍ എംപി.
രാഷ്ട്രീയത്തിൽ ഒരു മാന്യതയുണ്ട്.എതിർ ചേരിയിൽ ഉള്ളവരോടും മാന്യത കാട്ടണം. താൻ എതിർ സ്ഥാനാർത്ഥികളോട് പോലും മാന്യത കാട്ടുന്ന ആളാണെന്നും തരൂർ പറഞ്ഞു.തന്റെ തെരഞ്ഞെടുപ്പ് പ്രചരണത്തിൽ രാജഗോപാലിനെ കണ്ടപ്പോൾ പരസ്പരം ഷാളുകൾ കൈമാറിയിട്ടുണ്ട്. ആ സ്നേഹ പ്രകടനം കൊണ്ട് ആശയപരമായ അടുപ്പമല്ല എന്നും ശശി തരൂർ കൂട്ടിച്ചേർത്തു.
വ്യക്തിപരമായ സൗഹൃദങ്ങൾ രാഷ്ട്രീയത്തിൽ പ്രധാനം എന്നും ശശി തരൂർ. പാലക്കാട് സവിശേഷ സാഹചര്യം അറിയാമല്ലോ അതിൻറെ ഭാഗമായി സംഭവിച്ചതാകാം എന്നും ശശി തരൂർ പറഞ്ഞു.