സവര്‍ക്കര്‍ തങ്ങളുടെ ആരാധനാപാത്രമാണെന്നും അദ്ദേഹത്തെ അപമാനിക്കുന്നത് ക്ഷമിക്കാനാകില്ലെന്ന് ശിവസേന നേതാവ് ഉദ്ധവ് താക്കറെ.അയോഗ്യമാക്കപ്പെട്ടതിന് ശേഷം കഴിഞ്ഞ ദിവസം മാധ്യമങങളോട് സംസാരിക്കുന്നതിനേടെ മാപ്പ് പറയാന്‍ തന്‍റെ പേര് സവര്‍ക്കര്‍ എന്നല്ല എന്നു രാഹുല്‍ഗാന്ധി പറ‍ഞ്ഞഇരുന്നു. ഇതിന് പിന്നാലെയാണ് ഉദ്ധവ്താക്കറെയുടെ പരാമര്‍ശം.
മഹാരാഷ്ട്രയിലെ നാസികിൽ നടന്ന റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.നമ്മുടെ രാജ്യത്തിന്റെ ജനാധിപത്യത്തെയും ഭരണഘടനയെയും സംരക്ഷിക്കാൻ നമ്മൾ ഒന്നിച്ചിരിക്കുകയാണെന്ന് രാഹുൽ ഗാന്ധിയോട് പറയാൻ ഞാൻ ആഗ്രഹിക്കുന്നു. എന്നാൽ നിങ്ങളെ ബോധപൂർവം പ്രകോപിപ്പിക്കുകയാണ്.ഈ സമയം പാഴാക്കാൻ അനുവദിച്ചാൽ ജനാധിപത്യം ഇല്ലാതാകും. 2024ലേത് അവസാന തെരഞ്ഞെടുപ്പായിരിക്കും,” അദ്ദേഹം കൂട്ടിച്ചേർത്തു.
രാജ്യത്തിന്റെ സ്വാതന്ത്ര്യ സമരവുമായി ഒരു ബന്ധവുമില്ലാത്തവർ ജനാധിപത്യത്തെ ഇല്ലാതാക്കാൻ ശ്രമിക്കുകയാണെന്നും താക്കറെ കൂട്ടിച്ചേർത്തു. വീണ്ടും മുഖ്യമന്ത്രിയാകാൻ വേണ്ടിയല്ല, മറിച്ച് ജനാധിപത്യവും സ്വാതന്ത്ര്യവും സംരക്ഷിക്കാനാണ് താൻ പോരാടുന്നതെന്നും താക്കറെ പറഞ്ഞു.അധികാരത്തിലിരിക്കുന്നവരെ വിമർശിച്ചാൽ പൊലീസ് നിങ്ങളുടെ പിന്നാലെയുണ്ടാകുമെന്നും ഇതാണ് രാജ്യത്തെ പുതിയ അവസ്ഥയെന്നും അദ്ദേഹം പറഞ്ഞു.
English Summary:
Savarkar idol, Uddhav Thackeray will not tolerate insulting him
You may also like this video:
