കൂട്ടുകാര്ക്കൊപ്പം കളിക്കുന്നതിനിടെ തെരുവുനായയെ കണ്ട് ഭയന്നോടിയ കുട്ടി കിണറ്റില് വീണ് മരിച്ചു. പാനൂരില് തൂവ്വക്കൂന്ന് എല്പി സ്കൂള് വിദ്യാര്ഥിയായ മുഹമ്മദ് ഫസലാണ് മരിച്ചത്. ഒന്പത് വയസ്സായിരുന്നു. ഇന്ന് വൈകുന്നേരം അഞ്ച് മണിയോടെയായിരുന്നു സംഭവം. കുട്ടികള്ക്കൊപ്പം കളിക്കുന്നതിനിടെ തെരുവുനായയെ കണ്ട് ഫസല് ഭയന്നോടിയപ്പോള് സമീപത്തെ ആള്മറയില്ലാത്ത കിണറ്റില് വീഴുകയായിരുന്നു. കുട്ടിയെ കാണാതായതിനെ തുടര്ന്ന് ബന്ധുക്കളും നാട്ടുകാരും നടത്തിയ തിരച്ചിലിലാണ് കുട്ടിയെ കിണറ്റില് നിന്ന് കണ്ടെത്തിയത്. ഉടന് കുട്ടിയെ പുറത്തെടുത്ത് ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.
തെരുവുനായയെ കണ്ട് ഭയന്നോടി; കണ്ണൂരില് കിണറ്റില് വീണ് ഒന്പതുകാരന് ദാരുണാ ന്ത്യം
