കൊല്ലം അഞ്ചലിൽ സ്കൂൾ ബസ് മറിഞ്ഞുണ്ടായ അപകടത്തില് വിദ്യാര്ത്ഥികള്ക്ക് പരിക്ക്. അഞ്ചൽ ചൂരക്കുളത്തു പ്രവർത്തിക്കുന്ന ആനന്ദഭവൻ സെന്റർ സ്കൂളിന്റെ ബസാണ് അപകടത്തിൽപ്പെട്ടത്. അഞ്ചൽ അസുരമംഗലം പള്ളിക്കുന്നിൻപുറം റോഡിലാണ് അപകടമുണ്ടായത്.
ബസിലുണ്ടായിരുന്ന കുട്ടികളെ നിസാരപരിക്കുകളോടെ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു.റോഡിന്റെ വശത്ത് ഇട്ടിരുന്ന വലിയ മരക്കുറ്റിയിൽ തട്ടി ബസ് മറിയുകയായിരുന്നു.