മഹാരാഷ്ട്രയിലെ നവി മുംബൈ ടൗൺഷിപ്പിലെ ഖാർഘർ പ്രദേശത്ത് തിങ്കളാഴ്ച വിദ്യാർത്ഥികളുമായി പോവുകയായിരുന്ന സ്കൂൾ ബസിന് തീപിടിച്ചു. അതേസമയം
പരിക്കുകളൊന്നും റിപ്പോർട്ട് ചെയ്തിട്ടില്ലെന്നും കുട്ടികളെല്ലാം സുരക്ഷിതരായിരിക്കുന്നുവെന്നും അധികൃതർ അറിയിച്ചു. ഖാർഘറിലെ സെക്ടർ നമ്പർ 15 ൽ രാവിലെ 11.30 ഓടെയാണ് സംഭവം നടന്നതെന്ന് അഗ്നിശമന ഉദ്യോഗസ്ഥൻ പറഞ്ഞു. ഒരു സ്‌കൂളിലെ നാല് വിദ്യാർത്ഥികളും ഒരു ജീവനക്കാരനും ഡ്രൈവറുമാണ് വാഹനത്തിന് തീപിടിക്കുമ്പോൾ ഉണ്ടായിരുന്നതെന്ന് അദ്ദേഹം പറഞ്ഞു.
വിവരമറിയിച്ചതിനെ തുടർന്ന് അഗ്നിശമന സേനാംഗങ്ങൾ സ്ഥലത്തെത്തി. 15 മിനിറ്റിനുള്ളിൽ തീ അണക്കാനായതായി ഉദ്യോഗസ്ഥർ പറഞ്ഞു. ആളപായമൊന്നും റിപ്പോർട്ട് ചെയ്തിട്ടില്ല. അതേസമയം തീപിടുത്തത്തിന്റെ യഥാർത്ഥ കാരണം ഇനിയും കണ്ടെത്താനായിട്ടില്ലെന്നും ഉദ്യോഗസ്ഥർ പറഞ്ഞു.
English Summary: School bus with students caught fire; The children survived
You may like this video also
