സ്കൂളില്‍ കടന്നുകയറിയ അജ്ഞാതന്റെ ലൈംഗികാതിക്രമത്തിനിരയായ വിദ്യാര്‍ത്ഥിനികളോട് സംഭവം മറന്നുകളഞ്ഞേക്കുവെന്ന് പ്രധാനാധ്യാപിക. ഡല്‍ഹിയിലെ മുന്‍സിപ്പല്‍ കോര്‍പ്പറേഷന്‍ സ്കൂളിലാണ് സംഭവം. ഏപ്രില്‍ 30നാണ് സ്കൂളിനുള്ളില്‍ കടന്നുകയറിയ ആള്‍ പെണ്‍കുട്ടികളെ ലൈംഗികാതിക്രമത്തിനിരയാക്കിയത്. വസ്ത്രങ്ങള്‍ ഊരിമാറ്റിയ ഇയാള്‍ ക്ലാസ് റൂമിനുള്ളില്‍ മൂത്രവിസര്‍ജ്ജനം ചെയ്തതായും ബലാത്സംഗം ചെയ്തതായും പെണ്‍കുട്ടികള്‍ വനിതാ കമ്മിഷനോട് നല്‍കിയ പരാതിയില്‍ പറയുന്നു.
സംഭവം അധ്യാപികയെയും പ്രധാന അധ്യാപികയെയും അറിയിച്ചിരുന്നുവെങ്കിലും മറന്നുകളയാനും മിണ്ടാതിരിക്കാനുമാണ് ആവശ്യപ്പെട്ടതെന്നും പെണ്‍കുട്ടികളുടെ പരാതിയില്‍ പറയുന്നു. സംഭവത്തില്‍ പ്രതിയെ ഉടന്‍ പിടികൂടണമെന്നാവശ്യപ്പെട്ട് പൊലീസിന് നോട്ടീസ് നല്‍കിയതായി വനിതാ കമ്മിഷന്‍ അറിയിച്ചു. സംഭവത്തില്‍ കേസ് രജിസ്റ്റര്‍ ചെയ്ത പൊലീസ് അന്വേഷണം ആരംഭിച്ചിട്ടുണ്ട്.
English Summary: Schoolgirl sexually assaults students: Headmistress says ‘forget’
You may like this video also
