മഹാരാഷ്ട്രയിൽ ജൂൺ 15ന് സ്കൂളുകൾ തുറക്കുമെന്ന് വിദ്യാഭ്യാസ മന്ത്രി വർഷ ഗയിക്വാഡ് അറിയിച്ചു. മഹാമാരി കാരണം കഴിഞ്ഞ രണ്ട് വർഷമായി ഒന്ന്, രണ്ട് ക്ലാസുകളിലെ വിദ്യാർത്ഥികൾക്ക് നേരിട്ട് ക്ലാസുകളിൽ എത്താൻ കഴിഞ്ഞിരുന്നില്ലെന്നും ഗയിക്വാഡ് ചൂണ്ടിക്കാട്ടി.
മഹാരാഷ്ട്രയിൽ ജൂൺ ഒന്നിന് പ്രതിദിന കേസുകൾ 1,000 കടന്നിരുന്നു. മുബൈയിലാണ് ഏറ്റവും കൂടുതൽ കേസുകൾ റിപ്പോർട്ട് ചെയ്തത്. ഈ സാഹചര്യത്തിൽ സ്കൂളുകൾ തുറക്കുന്നത് ആശങ്ക വർധിപ്പിക്കുന്നുണ്ട്.
കോവിഡ് കേസുകൾ ഉയരുന്ന സാഹചര്യത്തിൽ മഹാരാഷ്ട്രയിൽ പൊതുസ്ഥലങ്ങളിൽ മാസ്ക് ധരിക്കുന്നത് നിർബന്ധമാക്കിയിരുന്നു. കഴിഞ്ഞ അഞ്ച് ദിവസങ്ങളിലും തുടർച്ചയായി സംസ്ഥാനത്ത് കേസുകൾ ആയിരം കടന്നിട്ടുണ്ട്.
English summary;Schools in Maharashtra will be open from the 15th
You may also like this video;
